VIRUSNI O‘Z VAQTIDA QANDAY ANIQLASH MUMKIN?
Gepatit C asta-sekin va jimgina jigar hujayralarini o‘ldiradi va sirroz allaqachon paydo bo‘lganida aniqlanadi.
Gepatit C – o‘tkir yoki surunkali shaklda paydo bo‘lishi mumkin bo‘lgan xuddi shu nomdagi virus keltirib chiqaradigan jigarning yuqumli kasalligi.30
Infeksiyalanganlarning 80% bemorlarda kasallik klinik belgilarsiz kechishi mumkin.
Jahon Sog’liqni Saqlash Tashkiloti ma’lumotlariga ko‘ra, gepatit C bilan kasallangan barcha holatlarning taxminan 75% surunkali kasallikning rivojlanishi bilan yakunlanadi.30
YUQISH YO‘LLARI:30
- steril bo‘lmagan tibbiy asbob-uskunalar – ignalar, stomatologik buyumlar, manikyur va tatuirovka asboblari (shuningdek, ulardan qayta foydalanish);
- tegishli tekshiruvsiz qon quyish.
VIRUS YUQISHINING KAMROQ TARQALGAN YO‘LI:30
- himoyalanmagan jinsiy aloqa;
- onadan bolaga.
Gepatit C ona suti, oziq-ovqat, suv, maishiy aloqa orqali yuqmaydi.
Inkubasion davri 2 haftadan 6 oygacha.
O‘TKIR ALOMATLARI BO‘LGAN BEMORLARDA QUYIDAGILAR KUZATILADI 31
- tez charchash;
- haroratning ko‘tarilishi;
- ishtahaning yo‘qolishi;
- ko‘ngil aynishi;
- siydikning to‘q tusga kirishi;
- axlat rangining ocharishi;
- bo‘g‘imlarda og‘riq;
- ko‘zning oq pardasi va terining sarg‘ayishi.
Biroq, ko‘p hollarda, alomatlar bo‘lmaydi.
Ko‘pincha gepatit C yo‘ldosh kasalliklar bilan murojaat qilganda tashxis qilinadi.
Erta tashxis qo‘yish infeksiya bilan bog‘liq asoratlarni va virusning keyingi tarqalishini oldini olishga yordam beradi.
Bugungi kunda virusli gepatit C ga qarshi samarali vaksina yo‘q. Boshqa tomondan, gepatit B dan farqli o‘laroq, uning surunkali shakli ham davolanishi mumkin.
Virus qanchalik tez aniqlansa, davolash shunchalik muvaffaqiyatli bo‘ladi. Virusning mavjudligi qon tahlili bilan aniqlanadi. Agar shubhangiz bo‘lsa, darhol mutaxassislarga murojaat qiling.30
UZN2256829-2
Источники информации: