GEPATIT B
Gepatit B taxminan 50% hollarda o‘tkirdan surunkaliga o‘tadi. Agar davolanmasa, oqibatlari juda jiddiy bo‘lishi mumkin.27
GEPATIT B HAQIDA NIMANI BILISHINGIZ KERAK?
Gepatit B — xuddi shu nomdagi virus keltirib chiqaradigan jigarning o‘tkir yoki surunkali infeksion shikastlanishi.27
Surunkali gepatit B bilan kasallangan bemorlarning 14-30%, agar davolanmasalar, 5-10 yil ichida jigar sirrozi rivojlanishi mumkin.29
Shuningdek, surunkali formada jigar saratoni va jigar yetishmovchiligini rivojlanish xavfi yuqori.
VIRUS QUYIDAGI YO‘L BILAN ODAMDAN ODAMGA YUQADI:
- himoyalanmagan jinsiy aloqa;
- steril bo‘lmagan tibbiy asbob-uskunalar – ignalar, stomatologik buyumlar, manikyur va tatuirovka asboblari (shuningdek, ulardan qayta foydalanish);
- tug‘ruq vaqtida onadan bolaga.
E’tibor bering, gepatit B har kungi aloqa orqali, masalan, yo‘talish yoki aksirish, quchoqlash, qo‘l siqib ko‘rishish orqali yuqmaydi.
Gepatit B ning makkorligi shundaki, o‘tkir shakl alomatsiz surunkali shaklga o‘tishi mumkin. Ba’zida alomatlar hatto bir necha yil davomida nomayon bo‘lmasligi mumkin.
Eng boshida gepatit B belgilarini boshqa virusli kasalliklar belgilari bilan osongina chalkashtirish mumkin. Virusning qonga kirishidan birinchi alomatlar paydo bo‘lgunga qadar davr 1 oydan 6 oygacha davom etadi.28
DASTLAB, SPETSIFIK BO‘LMAGAN
ALOMATLAR RIVOJLANADI:
- charchoqning kuchayishi;
- ishtahaning yo’qolishi;
- qorin og‘rig‘i va bezovtalik;
- haroratning ko‘tarilishi.
VIRUSLI GEPATITNING O‘ZIGA
XOS KO‘RINISHLARI QUYIDAGILARDIR:
- terining va shilliq pardalarning sarg‘ayishi;
- siydikning to‘q tusga kirishi;
- axlat rangi ocharishi;
- terining qichishi;
- o‘ng qovurg‘a osti qismda og‘irlik hissi bilan kechadigan jigarning kattalashishi.27
Faqatgina klinik ko‘rinishga asoslanib, aniq tashxis qo‘yish mumkin emas, bunda laboratoriya qon tekshiruvi kerak bo‘ladi.
Kasallikning surunkali shaklida inson jigar muammolarini oldini olish uchun muntazam monitoring va uzoq muddatli, hatto umrbod davolanishga muhtoj bo‘ladi.
Gepatit B ni oldini olishning ishonchli va hammabop usuli bu emlashdir.
SOG‘LIG‘INGIZGA E’TIBORLI BO‘LING!28
UZN2256829-2
Источники информации: